Илгэ сайын илгийдэ,
Итии сайын ибиирдэ,
Ийэ дойду тилиннэ,
Ийэ биэ этэттэннэ,

Кытыт биэ кымыстанна,
Улаан биэ уйгуланна,
Чороон айах чуоҕуста,
Кэриэн ымыйа кэккэлэстэ,
Матаарчах бааралаата,
Сири иһит сэлэлээтэ
Сэттэ чэчир анньылынна,
Сэлэ тоҕой тоҕуоруйда.
Ороһу кулуммут
Оонньоколоон улаатта,
Итэҕэс кулуммут
Эрчимирэн тэмиэһийдэ.
Урут кэлбиттэр
Оонньохолоон көттүлэр,
Эрдэ кэлбиттэр
Кэтэһиилэрэ буолла.
Куоттардын-хойуутаатын,
Бытаардын-быданнаатын,
Далбаарбыт дайар кэмэ кэллэ,
Утуйбут уһуктар күнэ буолла.
Һат! Һат! Уһугун!
Һат! Һат! Уһугун!
Һат! Һат! Уһугун!

Кыраһа #4 1993 сыл.