Дириҥ далай иччилэрэ,
Бука барыгытыгар
Күттүөннээх көрдөһүү,
Аналлаах ааттаһыы.
Аллар чачыр алгыспынан
Аартыккытын астым буоллун.
Быттаҕа-быдьара суох
Быйаҥ алгыспынан
Бырыыгытын сылыттым буоллун.
Кирэ-хаҕа суох
Чэчир чэбдик бэйэбинэн
Чиэс бокулуону
Тиэртэҕим буоллун.
Уларыйбат уйгу үрдүгэр
уруйдаатаҕым буоллун.
Быстыбат быйаҥҥытын быктараргытыгар
Быһаҕаспар диэри
Хаптайан тураммын
Көрдөстөҕүм буоллун.
Маанылыыр алгыспынан манньыйдым,
Эбэлэриэм, аһата-сиэтэ турун даа!
Уруй, уруй! Уруй!
П.А. Абрамов-Алаадьы, Мэҥэ - Хаҥалас, Наахара, 1944 сыл (СНК архива)
Кыраһа #4 1993 сыл.