Булчут ыттары босхо эрэ сырытыннарыахха наада. Кыратык баайдын да тута эбиллэн, ыйааһыннара ыараан хаалар. Оччоҕо ыйааһыннарын уйбакка, тилэхтэрэ элэйэн хаалар.

Биирдэ - иккитэ тайахха үчүгэйдик бардылар да онон бүтэллэр. Арҕаа Сибиир лаайката булчут быһыытынан урут уруккаттан бэйэтин дакаастаабыт боруода. Түү мээчик курдук чэпчэки, түргэн, сымса уонна булка сүрдээх аллаах. Хаһан да сүрэҕэлдьээбэт. Тоҥорун тоҥор гынан баран, көрөн-харайан илдьэ сырыттахха, сылдьар.

Булчут ыты хайдах билиэххэ сөбүй?

Айылҕатын быһыытынан тыһы ыт ордук булчут буоларын өйдүөххэ наада. Булчут ыт кэтэҕин уҥуоҕа улахан буолар, халыҥ туруору кулгаахтаах, кулгаахтарын икки арда, таҥыылара уонна харахтара киэн буолуохтаахтар. Тилэҕэ халыҥ, хара буоллаҕына уһуннук тулуйан сүүрэр, булду сырсар. Таҥалайа хара, хара эриэн, сэттэттэн элбэх кэрдиистээх буоллаҕына - сытымсах. Кэтит түөстээх буоллаҕына - күүстээх. Сүүрүүк ыт улаханнык кэдэйэр, агдата улахан, ойоҕоһун уҥуоҕун икки арда, бэрбээкэйэ киэҥ, кутуруга эриллэҕэс буолар.

Саха ыалын халандаара - 2008

Эбэн эттэххэ:

• Ыт оҕотун талалларыгар былыр кутуругуттан өрө ыйаан таһаараллар эбит, онно ытаабат - ыйылаабат буоллаҕына үчүгэй ыт буолсу диэн буолар.
• Хара тыҥырахтаах ыт - булка барар.
• Маҥан тыҥырахтаах - бостуук, харабыл ыт.
• Үс өҥнөөх - ымыылаах, абааһыны/ыарыыны кыйдыыр ыт.