Састааба:

• 1 кг сүбүөкүлэ
• 300 мл уу
• Апельсин хаҕыттан 50 г цукат
• 3 апельсин
• 2 кыра ньуоска  лимон кислотата
• 1 кг саахар
• Кыра ньуоска аҥаара корица.

Кыра туустаах ууга сүбүөкүлэҕин сөп буолуор диэри буһар. Хахтаа, синньигэс гынаэбэтэр кубиктыы кырбастаа. Буһарар иһиккэр сүбүөкүлэҕин кут, 300 мл ууну, кыра гына кырбаммыт цукаттаргын кут. Ол кэннэ апельсин уонна лимон суогун, корицаны кут. Апельсины ыраастаан  өлүүлэринэн араартаа. Хаҕын уонна уҥуохтарын маарыллаҕа суулаан баран сүбүөкүлэлээх иһиккэр ук. Сүбүөкүлэҕин оргут. Оргуйан бидилийбитин кэннэ уотун кыччатан баран 30 мүнүүтэ буһар. Апельсин хахтаах маарыллаҕын ыган баран хостоон ыл.

Саахардаа уонна апельсиҥҥын кут. Күүгэнин ыла-ыла хойдуор диэри (желе буолуор диэри) буһар. Итиилии оргутан бэлэмнэммит таас бааҥкаларга кутаттаа, хаппахтаа.

"Кыым" хаһыаттан. Бэс ыйын 28 күнэ 2012 сыл Е Николаев.