• 200 г. тэллэй,
• 1 эриэппэ луук,
• 300-400 г куурусса этэ,
• 3 сымыыт, 

• 2 сибиэһэй оҕурсу,
• 100 г чернослив,
• майонез,
• күөх от.

Куурусса этин, сымыыты буһараҕыт. Тэллэйи 10 мүнүүтэ оргутан баран сиидэлиигит. Черносливы итии ууга 10-15 мүнүүтэ туруораҕыт. Онтон уутун сүөкээн баран куурдаҕыт. Тэллэйи кубиктыы эбэтэр уһун синньигэс гына кырбыыгыт. Мас арыытыгар луугу ыһаарылыыгыт, ол үрдүгэр тэллэйи эбэн 7-10 мүнүүтэ буһараҕыт. Куурусса этин уһун синньигэс гына быһаҕыт 3-5 устуука черносливы киэргэтигэ хааллараҕыт., атыттарын уһун синньигэс гына кырбыыгыт., сымыыты улахан хайаҕастаах теркаҕа анньаҕыт. Оҕурсуну эмиэ соломолуу быһаҕыт.

Аскытын барытын майонеһынан араҥалаан маннык бэрээдэгинэн уураҕыт: чернослив, лууктаах тэллэй, куурусса этэ, сымыыт, оҕурсу. Салаат үрдүн черносливы чараас гына кырбаан киэргэтэҕит.

Чөл буолуу кистэлэҥнэрэ. Халандаар - 2010