Туох наадата:
- Баклажан - 2 устуука
- Помидор - 3 устуука
- Моркуоп - 2-3 устуука.
- Эриэппэ луук - 2 устуука
- Мас арыыта
- Укуруоп
- Петрушка.
- Туус
- Хара биэрэс
- Чеснок
Астаныыта:
Баклажаны уһун синньигэс гына кырбыыбыт. Үрдүгэр тууһу таммалатан баран 30 мүнүүтэ туруорабыт. Ол кэнниттэн тымныы уунан сайгыыбыт. Моркуобу түөркэлиибит, луугу уонна помидору кырбыыбыт. Луугу, моркуобу помидору булкуйан баран мас арыытыгар ыһаарылыыбыт. Сөбүгэр көрөн туустуубут, биэрэстиибит.Баклажаны туспа ыһаарылыыбыт. Синньигэс гына быһыллыбыт баклажаннары биирдии биирдии ылан моркуобу, луугу помидору кутабыт. Баклажан курдук чөмчөччү ууран иһэбит. үрдүгэр 1 улахан ньуоска мас арыытын кутабыт уонна 180 кыраадыстаах духуопкаҕа 10-15 мүнүүтэ уурабыт. Сойо илигинэ тутатына сиэтэххэ олус минньигэс буолар.
Диана Клепандина хомуйуута. "Кыым" хаһыат 2015 сыл от ыйынт 16 күнэ.