Соторутааҕыта эрэ ЛЕЧО  диэн тыл киирбитэ. Лечоны араастаан оҥороллор. Онтон бүгүн бэлэмниир лечобыт судургу састааптаах уонна ордук чэпчэкитик оҥоһуллар.

Маныаха наада:

• 4 кг помидор
• 3 кг минньигэс биэрэс
• 2 чеснок өлүүскэтэ
• 0,5 л. уксуус
• 1 ыстакаан саахар
• 1 ыстакаан үүнээйи арыыта
• 2 остолобуой ньуоска туус

Астаныыта:

Помидору үчүгэйдик сууйуллар уонна итии уунан саба кутуллар. Оччоҕуна сиппит помидор чэпчэкитик хаҕыланар. Помидору тута мясорубкаҕа эрийиллэр. Дириҥ иһиккэ биэрэстэн ураты бары састаабын кутан 20 мүнүүтэ оргутаҕыт. Ол бириэмэҕэ минньигэс (болгарскай) биэрэстэри 4-6 гына туруору өлүүскэлэргэ араараҕыт. Оргуйбут пьюрены биэрэскэ саба кутаҕыт уонна сойо түспүтүн кэннэ иккистээн чаас аҥаарын кэриҥэ оргутаҕыт.

Светлана Тимофеева суруйуута. "Кыым" хаһыат. Атырдьах ыйын 3 күнэ 2006 сыл