Билигин киһи фруктаны хантан баҕарар атыылаһар кыахтаах. Сибиэһэй фруктаттан оҥоһуллубут хомпуот атыыласпыккынааҕар ордук иҥэмтиэлээх

Боростуой соҕус минньигэс хомпуоту буһарарга баара - суоҕа 3-4 дьаабылыка, 1-2 груша, 1 ыстакаан саахар уонна 3,5 лиитэрэ уу наада. Фрукталары оргуйбут уунан кичэйэн сууйуллар. Ол кэннэ 8-10 өлүүгэ быһаталаан  баран ууну кутан оргутуллар. Оргуйан тахсаатын кытта саахар эбэҕин. Өссө  10-15 мүнүүтэ  тэптэрэ түһээт уоттан ылыллар. Тымнытан баран сөрүүннүү иһиллэр. Кыра оҕолор сөтүөлээн, үлэһит-хамнасчыт дьон ходуһаттан буһан-хатан кэллэхтэринэ бу бэртээхэй хомпуот утахтарын ханнарыа.

Светлана Тимофеева суруйуута. "Кыым" хаһыат. Атырдьах ыйын 3 күнэ 2006 сыл