(Саха остуоруйата)

Былыр оҕонньордоох эмээхсин олорбуттара эбитэ үһү. Оҕонньор тууһут идэлээх эбит. Биир киэһэ оҕонньор туутуттан балай эрэ элбэх балыгы аҕалбыт. Ону эмээхсинэ булкуйа олордоҕунп, биир мааны ыалдьыт көтөн түспүт.Бэрт ыраахтан иһэр киһи эбит. 

Балай да өркэпсэппэхтээн баран, оҕонньор эмээхсинигэр билэр киһи билэр, билбэт киһи билбэт өйдөөбөт тылынанбу курдук эппит: "Мундуруйа солууруйа буһарыйа, собооруйа хоспоруйа кистэрийэ".
Ыалдьыттара өйдөөбөтөх, ол икки ардыгар оҕонньор кэпсээнинэн аралдьытан кэбиспит. Эмээхсин соботун талан хоспоххо таһаарбыт, мундутун буһарбыт. Мунду эрэ буспутун көрөн, ыалдьыт мааҕыҥҥы кистэлэҥ кэпсэтии ис хоһоонун сэрэйбит. Кэлэйэн аһаабакка баобыт. Оҕонньордоох эмээхсин мундуларын, соболорун бэйэлэрэ сиэбиттэр. Онтон ыла оҕонньор бултуур булда төннүбүт, кэччэгэй быһыыларыттан олохторо кэхтибит үһү.