Отону үргээн баран биһиги биир үксүн барыанньа , муорус гынабыт. Дьиҥэр отоно эрэ буолбакка, сэбирдэҕэ кытта киһини бэркэ эмтиир эбит.

Бу үүнээйи отонун уонна сэбирдэҕин гастрикка, цистиккэ, бүөргэ, бүөр таастаннаҕына, үөскэ, арамачыыска, дабылыанньа үрдээһинигэр, тымныйыыга тутталлар диэн суруйаллар. Сиикэй уонна оргутуллубут отон киһини ииктэтэр. Оттон отон уута кыайан хойуулаабат киһиэхэ үчүгэй.

Бүөрүн уонна хабаҕын тымныйдаҕына, ыарыын бэргээтэҕинэ, 3 кыра ньуоска отон бытарыйбыт сэбирдэҕин икки ыстакаан оргуйбут ууга кутан 15 мүнүүтэ устата туруоруллар. Күҥҥэ 3-4-тэ аһыах 20 мүнүүтэ иннинэ ыстакаан 1/4 иһиллэр.

Арамачыыска 1 ч.нь. сэбирдэҕи 2 ыстакаан ууга кутан 10 мүнүүтэ оргутуллар. күҥҥэ 2-3 тэ аһыах иннинэ ыстакаан аҥаарынан иһиллэр. Бу эмтэнии ый кэриҥэ эбэтэр 1,5 ый уһуон сөп.

Иһин ыарыйдаҕына (убаҕаһынан таһаардаххына), 1 ост. нь. сэбирдэҕи 1 ыстакаан оргуйбут итии ууга кутуллар уонна 30 мүнүүтэ көйөрүллэр. Сиидэлээн баран, күҥҥэ 3-4 төгүл аһыах иннинэ тымныылыы иһиллэр

"Кыым№ хаһыат От ыйын 26 күнэ 2012. автора суруллубатах.