Бу сыыллан үүнэр, сэбирдэҕэ хонноҕуттан тахсар сибэккилээх от. Умнаһа, сэбирдэҕэ, сибэккитэ эмтээх. Элбэх туһалаах химическэй веществолардаах, С, Е битэмииннээх, каротиннаах.
Медицинэҕэ маткаттан хаан барыытыгар туһалыыр. Куһаҕан искэннэри утары туһалыыр холбоһуктарга киирэр.
Норуот эмтиир ньыматыгар гастрит, энтероколит, геморрой диэн ис турук ыарыыларыгар, бронхикка, коклюшка, сэлликкэ, быар, бүөр, хабах ыарыыларыгар туттуллар.
Үөһү таһаарар састаап: чыычаах отун, бессмертник сибэккитин, кукуруза рыльцатын тэҥ (200 г), уулаах отон сэбирдэҕин, арамааска сибэкки эмиэ тэҥ састаабын (100 г.) булкуйан баран, 2 ост. нь. 500 мл оргуйбут итии ууга кутан тиэрмэскэ 6 чаас устата көөнньөрүн. Күҥҥэ үстэ аһыах иннинэ ыстакаан аҥардыытынан сылаастыы иһин.
Саха ыалын халандаара - 2012