Толооннорго, алаастарга, үрэх сүнньүлэригэр хойуутук үүнэр. Умнаһын үрдүгэ 40-60 см тиийэр. Уһун синньигэс кытыылара эрбии тииһигэр маарынныыр, умнаска утарыта олорор иккилии сэбирдэхтээх. Хараҥа күөхтүҥү өҥнөөх сибэккилээх. Силиһэ сарайбыт быһыылаах, хаттаҕына хараҥа кугас өҥнөнөр.
Сибэккилэнэр кэмигэр отун хомуйан күлүккэ куурдуллар. Силиһэ ыкса күһүн хомуйуллар. Хатарыллыбыт силиһи кырбаан биир улахан ньуоска ыстакаан ууга оргутан, үөс туолуутугар, ньиэрбэ ыарыытын эмтииргэ туһаныллар. Тымныйыыга, хаан барарын тохтоторго, көнө оһоҕос түһүүтүгэр (геморрой) отун көөнньөрөн иһиллэр.
Сорох дьон атаҕа ууланар, куһаҕан сыттанар. Оннук түбэлтэҕэ бу дьон күн аайы сөрүүн ууга атахтарын суунуохтаахтар уонна наскыларыгар от бороһуогун таммалатан баран кэтиэхтээхтэр. Мэлдьи маны тутустахха сотору кэминэн атах сыта сүтэр.
Халандаар - 2007