Бэрт сэдэхтик өлгөмнүк астанар. Сиппит отоно хойуу сүмэһиннээх, сыта суох, аһыытыҥы-минньигэс амтаннаах. Отоно органическай аһыыбалардаах, ол иһигэр С битэмиин, алколоидтар, кумарин, оттон сэбирдэҕэр С битэмииннээх. Отонун киһи сиэбэт, көтөр-сүүрэр сөбүлээн сиир.
Норуот эмчиттэрэ куртах, оһоҕос ыарыыларыгар чыҥкы отоно оргуйбут уутун иһэрдэллэр. Ас иҥэригэр, ньиэрбэ ыарыытын уҕарытарга отону сиир туһалааҕа биллэр. Отон оргуйбут уутун ииктэтэргэ, чалахайы таттарарга эмиэ туһаналлар. Чыҥкы сэбирдэхтээх, ситэ илик отонноох лабаата турбут уутун саһарарга, быар ыарыытыгар иһэллэр.
Чыҥкы салгыҥҥа баар буруону, быылы, гааһы тулуйар, онон куорат, дэриэбинэ уулуссатын көҕөрдүүгэ туһанар табыгастаах.
Чөл буолуу кистэлэҥнэрэ. Халандаар - 2010