Дьэдьэн сибэккитэ тыллыбыт кэмигэр сэбирдэхтэрин хомуйан, күлүк сиргэ хатарыллар. Сибиэһэй дьэдьэн отоно тимиринэн баай буолан, хаан ыарыытыгар туһалаах.
Хатарыллыбыт дьэдьэн температура түһэрэргэ, ииктэтэргэ, үөс, бүөр тааһын түһэрэргэ, дьахтар хаана барарын тохтоторго, авитаминозка туттуллар. Сибиэһэй дьэдьэн эбэтэр кини сүмэһинэ экземаҕа, ымынахтары, хатаалы, сирэй эбирин суох оҥорорго көмөлөөх. Дьэдьэн отонун уонна сэбирдэҕин көөнньөрөн, айах бааһырдаҕына сайҕаныллар.
Сэбирдэҕин көөнньөрөн үөһүрүүнү тохтоторго, геморройга уонна уоскутар эмп быһыытынан туттуллар. Склерозтаах, куртахтара баастаах дьон дьэдьэни сииллэрэ наада. Сорох дьон организмнара бу отону тулуйбат. Тириилэрэ аллергиялаан бааһыран барар. Онон хас биирдии эмтэнэр киһи дьэдьэн хайдах сабыдыаллыырын билэн эрэ баран, үөһэ этиллибитинэн эмтэниэн сөп. Ыарахан дьахтар дьэдьэнтэн туттунара наада.
Эмтэниэх иннинэ бырааһы кытары сүбэлэһин!
Халандаар - 2006