Бааһына, суол кытыытынан, тыа саҕатыгар, от үрэх дулҕата анньыллыбыт субуутугар үүнэр. 60 - 120 см үрдүктээх, умнаһын тула ланцекка маарынныыр синньигэс сэбирдэхтэрэ хардарыта үүнэллэр.

Уһун бытырыыс кыһыллыҥы тэтэркэй сибэккилэрдээх. Сибэккилэммитин кэннэ сэбирдэҕин умнаһын хоту өрө сыыйан ылан, салгыҥҥв күлүк сиргэ куурдаллар.

Төбө ыарыйдаҕына сэбирдэҕин көөнньөрөн иһэллэр. Хаппыт сэбирдэҕи боруһуок курдук мэлийэн аһаҕас баастары саба баанан эмтэниэххэ сөп. Отун оргутан куртах, оһоҕос ыарыыларыгар туттуллар. Сэбирдэҕэр олус элбэх С битэмииннээх. Кучуну кеулгаах, мурун, күөмэй тымныйыытыгар, утуйбат буолууга, куртах бааһыгар оргутан эмтэнэллэр.

Кучу сэбирдэҕиттэн битэмииннээх чэй оҥоруоххасөп. Сэбирдэҕин аһаҕас күн уотугар сытыара түһэн баран, бөлүөҕүнэн сүмэһинэ ыгыллан тахсыар диэри хатайданар. Ол кэнниттэн сииктээх сөрүүн сиргэ чаас курдук ууруллар. Онтон сылаас сиргэ (оһох үрдүгэр, духуопкаҕа) кыратык саһарыар диэри хатарыллар. Чэй оҥосторго бэлэм буолар.

Эмтэниэх иннинэ бырааһы кытары сүбэлэһин!

Халандаар - 2006