Сааскы уу ылан ааһар сииктээх, бадарааннаах сирдэригэр, үрэх, күөл кытыыларыгар хойуутук үүнэр. Сэбирдэҕэ, аатын курдук, кулун туйаҕар маарынныыр, төгүрүктүҥү буолар.
Биэс эминньэхтээх, саһархай өҥнөөх сибэккилээх. Бэс ыйыгар, сибэккилэнэр кэмигэр отун бүтүннүү хомуйан, күлүк сиргэ куурдуллар.
Хаппыт сэбирдэҕэ итиигэ буһууну (ожог) эмтииргэ туттуллар. Тымныйан ыалдьыбыт киһиэхэ отунан ванна оҥорор туһалаах.
Бу үүнээйи - дьааттаах. Онон хомуйарга да, хатарарга да сэрэхтээх. Сибиэһэйдии хаһан да туттуллубат. Дьиэ сүөһүтэ кулун туйаҕын сиэтэҕинэ сүһүрэр, ынах үүтэ эмискэ түһүөн сөп.
Эмтэниэх иннинэ бырааһы кытары сүбэлэһин!
Халандаар - 2006