Былыр былыргыттан эмтээх от быһыытынан киэҥник биллэр үүнээйи. Алаастарга, от үрэхтэргэ, күөл кытыытыгар сөбүлээн үүнэр. Бэс ыйын бүтэһигиттэн атырдьах ыйыгар дылы сибэккилэнэр. Бу кэмҥэ хомуйан салгыннаах, күлүк сиргэ куурдуллар.
Отун кутургуйаҕа, искэҥҥэ саба баайан эмтииллэр. Өр оспот ириҥэлээх баастары отун көөнньөрөн сайҕаан ыраастыыллар. Буоккаҕа көөннөрөн киһи ньиэрбэтин уоскутарга, эпилепсияҕа, энтериккэ, дизентерияҕа, ас буһар уорганнар ыарыыларыгар туһаналлар.
Норуот эмчиттэрэ ууга оргутан, настойка оҥорон, хааны тохтоторго эмиэ туһаналлар.
Эмтэниэх иннинэ бырааһы кытары сүбэлэһин!
Халандаар - 2006