Мин кыра эрдэхпинэ кырдьаҕас булчуттар сэһэргэһэллэриттэн иһиттэхпинэ, айаларыгар ыттарбыт уонна улаханнык бааһыран сөлтөөбүт бөрөнү өлө сытарын ылаары батыстахтарына оту хаһане сиэн баран тиллэн, куотан хаалааччы дэһэр буолаллара.

Ол оту дьиктиргээн, сорох булчуттар бэрт былыргыттан эмтэнэллэрэ үһү.

Бу кэлин дьиҥнээх бөрө сиир отун Кэбээйиттэн, Өлөөнтөн булар эбиттэр. Ол от таас хайа үөһэ өттүгэр үүнэр эбит. Кыһын хагдарыйбат, күөх сытар. Ону оргутанкыртах ыарыытыгар (гастрит) үчүгэй. Мин бэйэм оннук ыалдьан кытаанах сыалаах эти, ордук сылгы этин сиэбэт буолан иһэн, бөрө сиир отун булан үтүөрбүтүм.

Тиис ыарыытыгар, ангинаҕа син көмөлөөх быһыылаах, бааска, уокка-ууга буспукка үчүгэй дэһэллэр.

Эмтэниэх иннинэ бырааһы кытары сүбэлэһин!

Кыраһа, #5 1995.