Мэччирэҥҥэ, хонууга баҕа батаһа диэн сүөһү сиэбэт сытыган ото үүнэр. Сиэмэтэ үс уйалаах, үс кырыылаах ньолбоҕор төгүрүк хааҕа үөскүүр.
Сиэмэтэ бөкүнүк чымырыыт. Ону быһа ытыран көрдөххө киһи айаҕыттан арахпат куһаҕан хабархай амтаннаах буолар. Сэбирдэҕэ халыҥ, уһун, сиртэн үүнэн тахсар. Өскө биир сүүмэх сэбирдэҕи сиртэн туура тардан ыллахха үп-үрүҥ суон силистээх буолар. Ону хатаран баран тиис ыарыытыгар тутуннахха аһыыта бэрт буолан тиис дьаралҕанын тохтотор.
Эмтэниэх иннинэ бырааһы кытары сүбэлэһин!
Кыраһа, #5 1995.