Ханнык баҕарар мутукчалаах мас 40-50 г. бытарытыллыбыт иҥнэтин 1 л. оргуйбут ууга  кутан  40-50 мүнүүтэ устата туруорун. 

Ол кэнниттэн сиидэлээн баран көннөрү уу курдук иһэ сылдьын. Маҥнай киһи иигин өҥө өлбөөдүйүөн сөп, онтон куттаныман. Ити организмтан шлактар уонна туустар суураллан тахсаллар.  Ииккит өҥө урукку чөлүгэр түстэҕинэ,бу ууну иһэргитин тохтотуоххутун сөп. Организмы маннык ыраастааһыны  саас ахсын сайыны көрсө  ыытар ордук. Маннык уу ыраастыырын таһынан организмҥа битэмиини эбэр.

Бэс иҥнэтин оргутан баран сөтөлгө, тымныйыыга ыарыыны намыратар ньыма быһыытынан туһаныахха сөп. Уопсай турук бөҕөргүүрүгэр, доруобуйаны чөлүгэр түһэриигэ эмиэ бэртээхэй ньыма. 4 ыстакаан сибиэһэй, үчүгэйдик сайҕаммыт бэс иҥнэтин илдьиритэн баран, 3 ыстакаан оргуйбут тымныы ууга кутун. Кыратык аһытар инниттэн иэдьэгэй уутуттан кутан баран хараҥа сиргэ туруорун 4-6 чаас турбутун кэннэ сиидэлээн уонна күн устата  аһыах иннинэ 1-2 ыстакааны иһэ сылдьын.

Саха ыалын халандаара - 2013.