Састааба:

• 1 орто чосунуок
• 2-3 хортуоппуй
• 1-2 эриэппэ луук
• 700-800 мл оҕуруот аһа буспут миинэ

• 100 мл үүт
• 200 мл сүөгэй.
• 1-2 ост нь ынах арыыта
• Туус
• Хара эбэтэр  биэс биэрэс булкааһа
• Петрушка

Чосунуоккун ыраастаа, ол эрээри "тиистэринэн" араарыма. Чосунуоккун 1 кыра нь мас арыыта  кутан баран  фольгаҕа суулаа уонна 180 кыраадыска  30-40мүнүүтэ духуопкаҕа буһар. Буспутун кэннэ арыйан сойутаҕын. Ол кэннэ төбөтүн элийэн ылан мискэҕэ ыгаҕын.

Чосунуогун буһар кэмигэр оҕуруот аһыттан мииҥҥин бэлэмниигин. Аны ол кэмҥэ хортуоппуйгун, лууккун ыраастаан, сууйан - сотон, кырбастаан, туустаан-тумалаан ынах арыытыгар сымныар диэри ыһаарылаа. Ол кэннэ итии мииҥҥин кытта холбоон булкуй. Дьэ, ол кэннэ хортуоппуйун ситэ буһуор диэри  кыра уокка  10-15 мүн буһар.

Мииҥҥин буспутун кэннэ , били буспут чосонуоккун эбэн биэр, булкуй. Ол кэннэ кыра үүттэ кута түс. Мииҥҥин билиэндэргэ кутан пюрета оҥор. Ол кэннэ сүөгэйи эбэн булкуйа-булкуйа эмиэ хос буһараҕын.

"Кыым" хаһыат, ыам ыйын 10 күнэ 2012 сыл. Егор Николаев балаһата.