Suzuki Eskudo - тэттик, сымса кыраны сиир уонна олус бөҕө - таҕа оҥоһуулаах массыынаны, саха дьоно олус сөбүлээн миинэр, ордук улуустарга. Ол иһин үгүс дьоҥҥо интириэһинэй буолуо диэммин Эскудоҕа "Жигули" карбюраторын олордубуппун кэпсиим.

Массыынабыт - 1,6 лиитэрэлээх 4 силииндирдээх "моновпрыск" EPI мотуор.

 EPI 1,6:

Биир үтүө күн моһуогуран барда - оборотун туппат, умулла сылдьар. "Подозрение" барыта инжекторга буолла. Сылдьар сирим тыа сирэ - инжекторы хаһар условие уонна саппаас суох. Иннэ гынан хас да төгүллээн массыынаны эргиччи хаамыы кэннэ "Жигули" карбюраторын олордуохха диэн санаа кэллэ.

Инжектор:



Убайбыттан баран "Шестерка" карбюраторын ыллым, аҕалан тутан көрдүм - хайаҕаһа сөп түбэһиэхчэ, 5 мм курдук сыыһалаах - игиилээтэххэ барсыа.

ВАЗ 2106 карбюратора:



Аны туран "Жигулиттан" карбюратор шпилькэлэрин эмиэ ылыахха наада эбит - Эскудо киэнэ уһун буолталар. Шпилькэлэр анаабыт курдук оруобуна олороллор.

Бастатан туран Эскудо салгынын коллекторыгар саайан хордуонканан прокладка оҥоробут - игиилииргэ шаблон буолар.

Төгүрүк игии ылан баран карбюраторы хайаҕастарын кэҥэтэбит. Карбюратор тимирэ төһө да "легкай сплав" буоллар кытаанах баҕайы - тиритиннэрэр.

Төгүрүк игиинэн кэҥэтэбит:



Сөп буолуор дылы хаста да төхтөрүйэн тутан көрө - көрө түөрт хайаҕаһы барытыттан игиилиибит.

Кэҥээбит хайаҕастар:




Эскудо коллекторыгар эриллибит шпилькэлэргэ холкутук олорор буоллаҕына прокладкабытын кэтэрдэн баран олордон кэбиһэбит, бензин ылар трубката кэбиинэ диэки буоларын курдук. Манна иккис камера хайаҕаһа үчүгэйдик сөп түбэспэт эрээри куттаныман - иккис камера улахан нагрузкаҕа эрэ арыллар, син биир куруук оннук сылдьыбаккын, онон бастакы камера нормальнай үлэни хааччыйар. Кэлин коллекторы чочуйан да биэриэххэ сөп.

Коллектор хайаҕаһа төгүрүк:



Газ троһугар анаан кытаанах соҕус уонча сантиметрдаах тимиртэн тутулук оҥоробут. Тутулугу коллекторга баар буолталарга эрийэбит, троһу карбюраторга холбуубут.

Кытаанах, ньалбаҥнаабат тимир булабыт:



Газ троһа:



Булбут тимирбитин биир өттүнэн буолтаҕа эриллэр, бииригэр трос киирэр кинэ хайаҕастарын оҥоробут:



Иилиллэрэ эрэ хаалла:



Тутулугу субу буолтаҕа иилэр үчүгэй:



Тутулук бэлэм:



Арыый ойоҕолуу:



Карбюратор гаһыгар троһу кэтэрдэбит. Манна кыратык фантазия үлэлиэн наада, мин туһах боробулуохатынан туттарбытым:




Бензонасостан кэлэр турбаны салгыыбыт, уонна карбюраторга иилэбит.

Хата оруобуна анаабыт курдук тахсар, турба уонна хомут эрэ булуохха наада:



Бүттэ, собуоттаан көрөбүт.

Барыта үчүгэй буоллаҕына "Жигули" салгынын фильтырын ылан тумсун иннин диэки тутан баран олордон кэбиһэбит - оруобуна олорор, капот сабылларыгар мэһэйдээбэт. Арай тумса радиатор турбатыгар сыстар - тэһэ аалыан сөп, онон кылгата быһан биэриэххэ наада.

Жигули фильтрын корпуһа анаабыт курдук олорор:



Ол эрэн кыратык турбаны аалар, быһан кылгатыахха наада:



Бэлэм көстүүтэ:



Карбюраторынан мотуор итийиэр дылы арыый да тыастаахтык үлэлиир, санаабар регулировката арыый атыныттан буолуон сөп, арыый да баай курдук. Айаныгар кыанарын сүтэрбэт (мин чувствуйдаабатаҕым) ол эрэн кыра оборотка тягата суох, 1500-2000 үчүгэйдик барар. Арыый дьадатыахха наада - чүмэчилэрин ыһар, газтааһыҥҥа бөппөт, оборотун үчүгэйдик ылар. Субу курдук төһөнү баҕарар сылдьыахха сөп эбит диэн санааҕа кэлбитим, ол эрэн кэнники инжекторын оҥорон төттөрү олордубутум.


Таһыттан туох да биллэрбэт. капот үчүгэйдик сабыллар, таарыйбат:



Инжекторга саппаас мээнэ көстүбэт сиригэр, ыраах улууска үчүгэй. Атын да иномаркаларга маннык олордуохха сөбөбуолуо.