Күн аайы, саатар чаас аҥаара ыраас салгыҥҥа сылдьарга кыһанын. Наадаҕытыгар хай сатанарынан сатыы сылдьын.

Сарсыарда уһуктаат да, тута ойон туруман, киэһэ ороҥҥут аттыгар остуолга уурбут ытыс эриэхэҕитин, эбэтэр бэчиэнньэтэ сиэн.

Сарсыарда уонна эбиэккэ ыга аһааман. Ол оннугар икки чаас буола буола кыра кыралаан бэчиэнньэ, сыр тооромоһо,дьаабылыка сииргит ордук.

Суумкаҕытыгар чэпчэки аһылыкта укта сылдьын.

Белогунан баай аһылыгы сиэн (фасоль, туораахтаах, эриэхэ, семечка, балык, эт, үүт). Үүт бородуукталарын элбэтин, олор кальцийынан баайдар.

Өскөтүн элбэҕи кыайан аһаабат түбэлтэҕитигэр, саамай туһалаах бородуукталары сииргэ кыһаллын.

Мандарин эбэтэр лимон өлүүскэтин эмэн боруобалаан. сорохторго аһыҥас соҕускөмөлөһөр, оттон атыттарга төттөрү реакцияны үөскэтэр, сүрэҕи өлөхсүтэр.

Ардыгар, сөбүгэр тууһаммыт сухарик, оҕурсу, хаппыыста туһалыллар.

Аһылык кэнниттэн ханна да тиэтэйимэн, аҕыйах мүнүүтэ сыта түһэн ылын.

Сорох хат дьахталларга түүҥҥү өттүгэр битэмиини сииллэрэ көмөлөһөр.

Балай да экзотическай ырысыап: сарсыарда ороҥҥо сытан эрэн, 1 ч. нь. яблочнай уксус уонна 1 ч.нь. мүөт ыстакаан ууга суураллыбытын иһин.

Сорох дьахталларга минеральнай уу ("Марзан", "Боржоми" туһалыыр. Өскөтүн үчүгэйдик дьайар буоллаҕына, ол ууну суумкаҕа укта сылдьан иһиллиэхтээх.

Мяталаах лединецтэри, ыаһы эбэтэр чэйи боруобалыахха сөп.

Саха ыалын халандаара - 2012 сыл.