Үксүгэр остуоруйаны биһиги кинигэттэн ааҕабыт эбэтэр тэлэбиисэр экраныттан көрдөрөн тахсабыт. Оттон остуоруйабыт оҕобутугар хайдах дьайыахтааҕын, көмөлөһүөхтээҕин туһунан санаан да көрбөппүт.
Итини туоратарга маннык сүбэлэри көрүөҕүн:
- Төрөппүт оҕотунуун бииргэ өйтөн айыахтаах.
- Остуоруйаны ханнык эмит герой аатыттан кэпсиэххэ сөп.
- Оруолларынан үллэстэн кэпсиэххэ наада.
- Остуоруйа ис хоһоонун схема көмөтүнэн уруһуйдуохха сөп. Маныаха оҕо толкуйдуур дьоҕура быдан сайдар.
Остуоруйа нөҥүө оҕо бэйэтин кыһалҕатын, туохха ыарырҕатарын кэпсиир, оттон төрөппүт оҕото туохтан куттанарын, тоҕо кыыһырарын билиэн сөп. Остуоруйаны кэпсээһин, айыы араас көрүҥнэрдээх. Саамай судургута - төрөппүт оҕотунаан бииргэ айыахтаах: биир этиини төрөппүт, иккиһи оҕо оҥорор. Маннык остуоруйа бүтүөр диэри салҕанар. Маҥнай оҕо кыбыстыан сөп, онон бастакынан төрөппүт саҕалыыр, кини боппуруоска эппиэттиир. Оҕо сыыйа төрөппүтүгэр холбоһор, бииргэ остуоруйа айаллар.
Саха ыалын халандаара - 2012