Билигин оҕо киинин төрөөккүн кытары биэрэллэр, ону хайдах харайабытый? Тыҥыраҕы, баттаҕы эмиэ быраҕыа суохтааххын дииллэр.
Оҕо киинин былыргы сахалар куобах тириититтэн мөһөөччүк тигэн баран илдьэ сылдьаллара. Элбэх оҕолоох буоланнар кииннэрин тиһэн баран курдарыгар иилинэн кэбиһэллэрэ. Өлбүт оҕолорун кииннэрин ойуурга таһааран буорга көмөллөрө. Оттон билигин мөһөөччүк тигэн онно илдьэ сылдьыахтааххын. Оҕо улаатан туһунан бардаҕына даҕаны киинэ ийэтин кытары хаалыахтаах.
Киһи өлөн баран 40 хонук устата орто дойдутуттан арахсыбат, сылдьыбыт сирдэрин кэрийэр, тыҥыраҕын, баттаҕын хомуйар. Былыргы дьон оҕолорун баттаҕын мунньаллар эбит. Онон эмиэ мунньан ууран иһиллиэхтээх. Саҥа төрөөбүт оҕо тыҥыраҕын балыыһаҕа кырыйыа суохтааххын, төттөрү киирэ туруо дииллэр.
Саха ыалын халандаара -2012