Көхсүнэн ылыма
Алгыстаах хамсааһын уонна төннөрөр хамсааһын диэн баара биллэр. Оҕону көтөҕөргө, илиигэ ыларга сирэйинэн утары ылаллар. Көхсүнэн көтөҕөрү былыргылар сөбүлээбэттэр. Оҕону көхсүнэн көтөҕөрү оҕону төннөрүү курдук саныыллар.
Дьолун тохпотун
Оҕо кыра эрдэҕиттэн дьолу тардар хамсаныыга үөрэниэхтээх. Холобур, ол киһиттэн тугу эмэ ыларга ытыһы тоһуйан ылыы. Оттонилиини умса тутан ылар куһаҕан. Ити дьолу тоҕор хамсаныы, ол иһин суор курдук тоҥсуйар дьолун тоҕор диэн ааттыыллар.
Бэйэҕиттэн үөһэ көтөҕүмэ
Оҕону көтөҕөргө биир былыргы үгэс баар. Ол оҕону бэйэттэн үөһэ тутуллубат. Итинник тутары оҕоо үйэтин кылгатыы курдук көрөллөр. Оҕону сэрэнэн өрүтэ быыраҕаттаан оонньуур бу үгэскэ киирбэт.
Атахха сытыарыма
Кыра оҕону илдьэ сытар буоллахха, атахха сытыарар бобуллар. Саха өйдүүрүнэн. Киһи атах өттүгэр эрэйэ-муҥа мустар. Онон кыра оҕону атахха сытыарар оҕоҕо эрэйи-муҥу сыһыарыы курдук өйдөнөр.
Саха ыалын халандаара - 2012