Оҕо эһээхий сырыттаҕына төрөппүттэрэ төһөнөн кинини кытта кэпсэтэллэр,  бычыгырыырыгар эппиэттииллэр да, оччонон оҕо саҥата сайдар. саҥарара түргэтиир. Ол курдук оҕо болҕомтотун тардар икки кэпсэтии көрүҥэ баар. 

Бастакыга эһиги бэйэ-бэйэҕитин кытта кэпсэтэҕит, тугу оҥоро сылдьаргытын быһаараҕыт ("Ийэҥ чыычааҕым аһаан тоттун, минньигэстик утуйдун  диэн бытыылкаҕар үүт кутар..." ), иккискэ - оҕоҕут тугу гыммытын ырытыаххытын сөп ("атаххынан тэбиэлэммиккэр уу бырдаҥалаата..." ). Оҕоҥ саҥарар кэмҥэр эйиигин  болҕойон көрөр, күлэр, бычыгырыыр буоллаҕына, тохтоло суох кэпсээ. Оттон истиэн баҕарбат, атын сир диэки көрөр, ыиыыр, мөхсөр буоллаҕына, кэпсэтэн бүтүҥ. Өскөтүн оҕон тугу эрэ кэпсиир курдук  саҥа таһаарар буоллаҕына, эппиэттээн иһин. Ол эрээрибылаан оҥостон кэмиттэн кэмигэр эбэтэр аһара баран күнү быһа кэпсэтимэн. Ол оҕону ордук сылатар.

Оҕоҕун кытта араас тыллары туһанан оонньоо.  Оҕолор хоһоону истэллэрин олус сөбүлүүллэр. Ол иһин элбэхтэ хоһоонно ааҕын.

Саха ыалын халандаара - 2012