Былыргы итэҕэлинэн, дьиэ турбут миэстэтигэр саҥа акылаат түһүө суохтаах. Төһө да көтүрүллүбүтүн иһин, дьиэ хаһаайынын иччитэ хаалар. Кырдьаҕас уонна саҥа хаһаайын былаастарын былдьаһан дьон ыалдьыыта, өлүү-сүтүү тахсыан сөп. Оттон аттыгартуттар сыыһа буолбат.
Дьиэ тутар сири таларга хатырыгы уураҕын. Сотору кэминэн аннын арыйан көрөҕүн. Онно үөн-көйүүр мустубут буоллаҕына - үчүгэй миэстэ (Сайт бэлиэтээһинэ: атын источниктар этэллэринэн хатырык анныгар үөн мустубут буоллаҕына - төттөрүтүн куһаҕан сир диэн буолар (сииктээх, куһаҕан энергетикалаах), арай кымырдаҕас мустубут буоллаҕына сороҕор үчүгэй дииллэр).
Былыр дьиэ тутталларыгар төгүрүччү хатыҥнардаах, тииттэрдээх, күөлэ чугас сири ордороллоро. Ойуун көрүүлэммит сиригэр тутталлара. Ол кэннэ, ойууну, алгысчыты хоннороллоро. Үчүгэй түүлү түһээбит буоллаҕына, дьиэлэрин тутталлара.
Өссө үтүлүгүнэн түөрэх быраҕыы диэн баар. Үтүлүк үстэ "олоро" түстэҕинэ, туттарга табыгастаах диэн быһаараллара.
"Саха ыалын халандаара - 2012"