• Саҥа хатыҥы быһан ылан, төбөтүгэр сылгы аарыгын баайан баран, ону үөттүрэх гына-гына дьиэ иһин барытын кырбыыллар. Уокка сиэммит өттүн уокка төбөтүн сиэтэн баран, киэһэ утутарга. Ол аата "чуучуһу" куһаҕан абааһыны куттаан гыналлар. Оҕолоох ыал иннэ гынар.

• Дөлүһүөн угун быһан ылан баран, оҕо уйатын анныгар уган кэбиһэллэр уонна ылан эмиэ дьиэ ис өттүнэн тула кырбыыллар.
• Үс үчэһэни оҥорон баран ол төбөтүгэр хоруонан умньаан баран оҕо уйатын иһигэр анньан кэбиһэллэр, туруору, оннун икки хаптаһыныникки ардыгар.
• Этиҥ түспүт маһын булан уонна уматан баран сибиэн билинээччигэ "һуопчик" дии-дии дьиэ маһын кырбыыллар. Онно этэллэр: үөһэ дьабыннаах үөһэ барын, аллараа дьабыннаах аллара барын!
• Хоох (эһэ) мэйиитин тириитигэр сууланар уонна оҕо үрдүгэр уураллар. Туох эмит үчүгэйи аһаатаххына, бу эһэ баттаҕын ол сыатынан уунахтанар. Оҕо куһаҕан, киҥнээх буолар, ол эһэ баттаҕын, баһын, ытыһын уунахтаатаххына , үчүгэй майгылаах оҕо буолар.

Научнай архивтан. 1940 сыллаахха Абыйга 68 саастаах Никулина Евдокия Константиновна тылыттан суруллубута.
"Кыраһа" #7-8, от, атырдьах ыйдара, 1995 сыл.