Кыыс оҕоҕо

1 - дээх кыысчааҥҥа бэйэтин курдук таҥас куукуланы эбэтэр сымнаҕас оонньууру бэлэхтээ.

2 саастаах кыыс куукуланан, куукула малынын - салынын оонньуур. Оонньуур быраас тээбириннэрэ эбэтэр иһит - хомуос кинини үөрдүө.

3 саастаах кыыс ийэтин үтүктэн хайдах да буолуон билбэт. Онон киниэхэ оҕо косметикатын, кырааскатын бэлэхтээтэххинэ, саамай үчүгэй ыалдьыт буолуон.

4-6 саастаах оҕо ааҕарга, суоттуурга, суруйарга үөрэнэр. Оонньуур касса, дьэрэкээн өҥнөөх фломастердар туһалаах буолуохтара.

7-8 саастаах кыыс ырыаһыт эбэтэр үҥкүүһүт буолуон баҕарар. ол иһин киниэхэ электроннай пианино, микрофон эбэтэр ырыалардаах диискэ бэлэхтиэххин сөп.

9-10 саастаах кыыс да, уол да интириэстэрэ биир соҕус буолар. Ол эрээри кырасыабай былааччыйа, лаахтаах түүпүлэ эбэтэр киэргэл бэлэхтээтэххинэ астыныа.

Уол оҕоҕо

1 саастаах оҕоҕо өҥү - дьүһүнү, быһыылары араарарын, өйдүүрүн курдук, холобура, суунарыгар илдьэ олорр эрэһиинэ өҥнөөх оонньуурдары, кыыллары бэлэхтиэххин сөп.

2 саастаах уолаттар бирилии - бирилии массыынанан оонньуулларын астыналлар: оонньуур массыына,тимир суол уо.д.а бэлэхтээтэххинэ олус үөрүөхтэрэ.

3 саастаах уол оҕо остуоруйа, мультик персонажтарын барытын билэр, олорунан оонньуон баҕарар.Бэтмен, Спайдермэн (эбэтэр атын биллиилээх герой) бэртээхэй бэлэх буолуо.

4-6 саастаах уол саастыылаахтарын кытта тэҥҥэ оонньуур буолар, ол иһин киниэхэ оонньуур рация наборун бэлэхтээн үөрдүн.

7-8 саастаах оҕо тугу эмит тутарын, ыһарын, хомуйарын ордорор, онон киниэхэ лего конструкторда эбэтэр трансформер роботта бэлэхтээ.

Оттон 9-10 саастаах оҕо компьютерынан, электроннай оонньууларынан үлүһүйэр, онон бэйэн толкудаан көр.

Саха ыалын халандаара - 2011