Эрдэттэн кыыс эбэтэр уол оҕону "сакаастыыр" биир бастакы ньыманан дьахтар аһылыгын тутуһуута буолар.

Ол курдук, дьахтар уол оҕону баҕарар буоллаҕына, калийдаах, натрийдаах аһылыгы (кальцийы, магнийы кыччатан туран) аһыыра ирдэнэр. Эти, балыгы, хортуоппуйу, тэллэйи, эриэхэни, сымыыты (араҕаһын буолбакка) элбэхтик сиирэ үчүгэй. Фруктаттан черешняны, абрикоһу, сливаны ордордун. Утахтартан чэйи, кыраадыһа суох пиибэни, фруктаттан соктары иһэрэ ирдэнэр. Оттон үүт бородууксуйалары, муора балыктарын, кэмпиэти, салаат лиистэрин, бурдук аһы, сакылааты сиэбэтэ ордук.

Кыыс оҕону баҕарар дьахтар кальцийдаах, магнийдаах аһылыгы аһыыра ирдэнэр (калийы, натрийы аҕыйатан туран). Этинэн, хортуоппуйунан үлүһүйбэтин. Кыыһы баҕарар ийэ аһылыга бурдук астан, баклажантан, салаат лиистэриттэн, биэрэстэн, лууктан, эриэхэттэн, барыанньаттан туруохтаах. Утахтан кофены, какаоны, минеральнай ууну иһэрэ үчүгэй. Халбаһыны, ветчинаны, кэнсиэрбэлэммит оҕуруот аһын, банааны, сливаны, абрикоһу, дыняны сиэбэтэ ордук. Бу диетаны дьахтар ыйдааҕыта кэлиэҕиттэн оҕо үөскүөр дылы тутуһуохтаах.

Саха ыалын халандаара - 2011