Бастакы ый

Сорох дьахтар бастакы ыйыгар оһоҕостоммутун билбэт. Ол иһин харыстаммакка табахтыан, күүстээх эмтэри, арыгыны иһиэн сөп. Онон быраастар оҕолонууну эрдэттэн былааннаан диэн сүбэлииллэр. Оҕо 21 күнүгэр мэйиитэ уонна сиһин тоноҕоһун мэйиитэ оҥоһуллара саҕаланар. Бу кэмҥэ дьахтар бэйэтин күүскэ харыстаныахтаах.

Иккис ый

Оҕо илиилэрэ, атахтара оҥоһуллаллар, сирэйин омооно биллэн барар. Хараҕа, айаҕа, мунна биллэр буолар. Итиэннэ эндокриннай быччархайа оҥоһуллар. Бу олус уустук процесс, онон дьахтар ньиэрбинэйдиэ, стресскэ бэриниэ суохтаах.

Үһүс ый

Ый бүтэһик күннэригэр оҕо кыыс дуу, уол дуу буолара биллэр. Тарбахтара көстөллөр, илиитин, атаҕын хамсатар буолар. Бу кэмҥэ дьахтар этигэр - хааныгар уустук уларыйыылар буолаллар.Дьахтары токсикоз эрэйдиэн сөп.

Төрдүс ый

Оҕо быччыҥнара сайдаллар, сирэйин быһыыта бу кэмҥэ чуолкайданар. Киһи омоонугн ылар.

Бэһис ый

Бу ыйга кырачаан киһи очоҕоһо уонна сыа быччархайдара үлэлэрин саҕалыыллар. Тииһин уҥуоҕа оҥоһуллар. Ол иһин дьахтар бу ыйга кальцийдаах астары аһыыра, битэмиин сиирэ ирдэнэр.

Алтыс ый

Кырачаан киһи бэйэтэ тыынар буолар. Бүөрдэрэ үлэҕэ кыттыһаллар, быччыҥнара, уҥуохтара, тииһин уҥуоҕа оҥоһуллара салҕанар. Тыҥата сайдар.

Сэттис ый

Бу ыйыгар төрөөбүт оҕо тыыннаах хаалыан сөп. Куртаҕа уонна очоҕосторо үлэлииллэр. Бу кэмҥэ оҕо мэйиитин хаҕын араҥата оҥоһуллар. Тыҥата толору үлэлиир кыахтанар.

Ахсыс ый

Оҕо ыйааһына 2 киилэҕэ тиийэ улаатар. Оҕо тириитин аннынааҕы сыата чараас. Өскөтүн бу ыйыгар оҕо төрөөтөҕүнэ, киниэхэ эбии сылаас наада буолар. Бу кэмҥэ дьахтар сэрэнэн тутта - хапта сылдьыахтаах.

Тохсус ый

Бүтэһик ый. Оҕо бары уоргана сайдыбыттар. Кини амтаны, сылааһы - тымныыны билэр. Бэйэтэ тыынар, хамсанар. Ыйааһыныгар кыратык эбэр уонна күн сирин көрөргө бэлэм.

Саха ыалын халандаара - 2010