Оҕону итии диэн:

• Оҕо сүрэҕин баҕатын, олоххо көмүскэллээх буоларын, дьон тэҥинэн сананарын толуйуу;
• Тапталынан оҕо иэйиитин уһугуннаран, сайыннаран үтүө санаатын тилиннэрии;
• Оҕоҕо сиэрдээх майгыны эрэл-итэҕэл көмөтүнэн олохсутуу.
• Норуот муудараһа этэринэн, удьуор тыынын илдьэ сырыт уонна оҕоҕор иҥэр - оччоҕо оҕобун ииттим дэниэххин сөп.

Оҕону иитии олуктара - үөрэтии, биһирээһин, буойуу. Үөрэтии ньымаларынан билиһиннэрии, өйдөтүү уонна көрдөрүү буолаллар. Онтон биһирээһин диэн оҕо санаатын көтөҕөргө туттуллар - сүбэ, сэҥээрии, хайҕабыл, көҕүлээһин. Сиэрдээхтик буойан иитии суолтата улахан, оҕону сыыһа суолтан тэйитэргэ сэрэтэллэр, сэмэлииллэр, бопсоллор. Оҕо улаатар кэмигэр төрөппүттэрин, аймах-уруу дьонун харахтарын далыгар сырыттаҕына сыыһа-халты үктэммэт.

Чөл буолуу кистэлэҥнэрэ. Халандаар - 2010