Уонча сыллааҕыта, биһиги онус кылааһы бүтэрэн баран ньургуһуннуу, шашлыктыы диэн тыаҕа таҕыстыбыт. Уолаттарбыт «үөрэх дьыла бүппүтүнэн сиргэ хонуоҕуҥ, кустуохпут, балыктыахпыт» диэн соһуйуу-өмүрүү бөҕө. Хонор балааккабытын, чэй, күөс өрүнүөхтээх солуурдарбытын, халыҥ таҥас, мээчик, магнитофон курдук балай эмэ таһаҕастаах түөрт матасыыкылынан Күөрэлээх алааһыгар элээрдэн кэллибит.

Бу сэттэ уонус сыллардаахха буолбута. Оччолорго, бэл, бөһүөлэк чугаһынааҕы тыаларга, күөллэргэ көтөр-сүүрэр, кус-хаас дэлэгэй буолара. Билигин ол дойдуга сир аһын да дэҥҥэ көрөҕүн. Урут буоллаҕына хаптаҕаһы сирэн үргээбэт этибит.

Сэмэн эмээхсинэ куруорка эмтэнэ барбытын кэннэ, иллэҥсийбиччэ, гарааһыгар тахсан баччааҥҥа диэри көрүммэккэ сылдьыбыт массыынатын төрдүттэн түөрэ сүргэйэн оҥостон кэбиспит.

Бу түбэлтэ 70-с сылларга Бүлүү бөлөх улуустарыттан биирдэстэригэр буолбута. Оччотооҕу оҕолор билиҥҥи курдук күөх сайыҥҥа лыах курдук көҥүл көччүйбэт этибит. Өрүстэн чугас балаакканан сытан улахан дьону кытары окко үлэлэһэрбит.

Бу кэпсээн төһө быраһыана кырдьыктааҕын билбэппин. Киһи кэпсээбитин тиэрдэбин.