Мин биир түбэлтэни кэпсиэхпин баҕарабын, соччо куттала суох, ол эрээри миэхэ оччолорго кутталлаах баҕайы этэ. Таҥха кэмигэр 8-с кылааска сылдьан кылааһынан бүлүүһэ сүүрдээри гынныбыт. Биир уолбут дьиэтигэр мустар буоллубут. Дьиэбит сүрдээх эргэ, кыараҕас. Сорох оҕолор "гадайдаспаппыт, биһиги киинэ көрөбүт" диэн атын хоско киинэ көрө хааллылар. 

Биһиги сэппитин-сэбиргэлбитин бэлэмнээн болҕойон аҕай чүмэчилээх остуол тула олордубут. Бүлүүһэбит сүүрбэтэ, ол иһин кинигэ сүүрдэргэ быһаарынныбыт. Бастаан А.Е. Кулаковскайы ыҥырдыбыт. Ыйытыы бөҕөтүн ыйыттыбыт, сотору соҕус буолан баран быраһаайдастыбыт. Киһибит "Ийэм үрэххэ тууйастарын сүтэрэн кэбиспит, ону ыла сүүрдүм" диэн баран үчүгэй баҕайытык барда. Биһиги онон сөп буолбаккабыт аны П.А.Ойуунускайы ыҥырарга сананныбыт. Түргэн баҕайытык кэллэ. "Кэлбит буоллаххына тугу эрэ гын" диэбиппитигэр чүмэчибит сууллан хаалла. Итэҕэйбэтибит. Иккистээн ону же эттибит. Чүмэчибит иккистээн сууллан хаалла. Ол курдук кэллэ, ыйытыы бөҕөтүгэр эппиэттээтэ, аны туран "быраһаай" диэбиппитигэр барбата. Барыан баҕарбат. Олох кинигэҕэ наһаа сөп түбэһэр этэ, тугу саҥарара. Ол быыһыгар киинэ көрө хаалбыт аргыстаһыахтаах уолаттарбыт киирэ киирэ "бардыбыт, ыксаан" дииллэр. Онуоха кинигэбит (о.э. Ойуунуускай) "Кыһыл уоттар миэхэ мэһэйдииллэр" диир. Онтон биһиги ыксааммыт албыннаан киирэн бардыбыт: "Дьиэбитигэр оһох оттуохтаахпыт, уруок ааҕыахтаахпыт" диэн. Ону киһибит: "Албын саһыллар! Кыһыл уоттары эккирэтэллэр" диэн саайда. Олох сатанарбытын аастыбыт,. куттанаммыт сүрэхпит айахпытынан тахсаары гынна. Онтон эрэй бөҕөнөн "Чэ, албын саһыллар барын, мин эһигини бөрө буолан улуйа улуйа эккирэтэ сылдьыам" диэтэ. Дьэ "Һуу" диэн баран куттана куттана дьиэлээтибит. Кинигэбитин умаппыппыт. Сөҕүү бөҕөтүн сөхпүппүт, онтон ыла Ойуунускайы ыҥырыахпын даҕаны, кинигэ сүүрдүөхпүн даҕаны төрүт баҕарбаппын.

Http://vk.com сайттан. Анна Соловьёва суруйуута.