Мин кэпсээним абааһыта суох, куоска кырыыһын туһунан кэпсиим. Кырдьаҕас куоскалаах этим. Куоска таҥаска ииктиирэ-саахтыыра куһаҕан диэн. Биһиэнэ аҕам уонна убайым таҥастарыгар ииктиир буолан хаалбыта. Тугу эрэ куһаҕаны биттэнэр диэн онно өйгө суох да этэ.
Ол иһин аҕам өлөрөөччү буолла. Көрбөтүн диэн куулга укпуттара, аҕам уонна икки убайым (бииргэ төрөөбүт уонна тастыҥ). Ыйаары гыннылар, мин ыраахтан көрөн турабын. Ыйаан истэхтэринэ ыппыт кэлэн куосканы хаба тардан ылла, куула сөллөн хаалбыта, куоска ньааҕынааһына бөҕө этэ. Сордонон аҕай өлбүтэ быһыылааҕа. онон ол оннук хаалбыта. Аҕыйах ый буолан баран аҕам уонна убайдарым иккиэн ууга түһэн өлбүттэрэ… Өлүөхтэрин иннинэ ону-маны дьиктини көрбүт ахан эбиппин. Ону куһаҕаҥҥа оннук көстөрүн сэрэйбэт да буоллаҕым… Эбээбэр баран испитим, ыраах иннибэр бииргэ төрөөбүт убайым баран иһэрэ. Суолбун көрө-көрө баран истим. Арай убайым диэки көөртүм кини оннугар улахан хара күлүк баран иһэрэ. Дьиктиргээтим ахан. Эбээбэр тиийдим, уонна убайым кэллэ дуо диэн ыйыттым «суох» диэтилэр…… Онтон биирдэ ийэбинээн дьиэҕэ иккиэн хааллыбыт, арай иһиттэхпитинэ туох эрэ чыыбырҕыыр, ытыыр курдук. Өйдөөн көрбүппүт кладовка түннугун уонна истиэнэ икки ардыгар көтөр кутуйах кыбыллан олорор эбит. Ийэм тута ыксаата ахан. Мин акаары тутан көрөөрүбүн ыла сатаатым. Ийэм: "Ылыма, куһаҕан" диэн баран нөҥүө өттүгэр таһырдьа анньан кэбиспитэ. Көрдүү сатаабытым игин, булбатаҕым… Аны мин оонньуу сылдьан кыһыл көмүс биһилэхпин муоста быыһыгар түһэрэн кэбиспитим. Убайым көрдүү сатаабыта эрээри булбатаҕа. Сүппүт көмүһү көрдьүө суохтааххын эбит ди….. Бу барыта 98 сыллаахха этэ… Өлбүттэрин кэннэ аны оҕуруоппут аһа аһары үүммүтэ. Кып-кыра сиртэн 40 куул хортуоска, хас да биэдирэ моркуоп. Үксэ ынырык улахан этэ. Ийэм атыылыы сатаан баран ыксаан мээнэ биэртэлээбитэ. Билигин оннук үүммэт, нэһиилэ 8 куулу ылабыт быһылаах. Кэнники ийэбиттэн ыйыппытым тоҕо оннук үүммүтүн "Ити дьоммут оннуларыгар биэрбит быһылаах" диирэ… Хомойуох иһин, улаатан баран биирдэ төбөбөр тиийбитэ, бу барыта мээнэҕэ буолбатаҕа диэн…
Http:vk.com сайттан. Евдокия Колмогорова суруйуута.