Бу түбэлтэҕэ бэйэм дьиҥнээхтии түбэспитим... Амма эбэ кытылыгар Хоптолоох диэн сайылыкка сайылыы сылдьыбыппыт. Күһүн этэ, оскуола оҕолоро этибит, сэттис дуу, ахсыс дуу кылаастар. Балаҕан баар ол сайылыкка, билигин музей буолан турар. Ол онно үһүө буолан хаас иитэр этибит. Уҥуор ынырык кыраһыабай хайа баар, Талкы хайата диэн, баҕар истибиккит буолуо, онно художниктар балаҕаннара баар, уонна биhиги балаҕаммыт утары уҥуор киhи унуоҕа баар.
Сайылыкпыт анныгар бэрэмээт түhэрбиппит, ону киэhэ борук сорук саҕана бэрэбиэккэлии тахсыбыппыт табаарыспынаан Андрейкалыын. Биир дьорохой эрэ ылбыппыт, онон мэлийэн, иккиэн саҥата - иҥэтэ суох салгыы түһэрэн баран дьиэлээн эрдэхпитинэ, арай киhим оҥочоҕо олорон күл да күл буолла. Мин соhуйан: "Туох буоллун?" диэбиппэр киһим: "Уҥуор хайаны көрбүппэр сып сырдык уоту көрдүм" - диэтэ. Мин итэҕэйбэтим, "ким түүннэри фонаардаах киһи уҥуоҕунан хаамыай" диэн. Туора хайыһан кэбистим. Онтон өр буолбата уолум эмиэ "Көр!!!" диэн хаhыытаата. Мин онно ууну буккуйа сылдьабын, мэҥиэ иитэбин хайыыбын. Ыксаатым, бу киһи туох буолла диэн. Хайаны көрөн баран олордум, номнуо хараҥарбыта. Онтон доҕоор!! Сандаарда ээ "фонарь" уота! Бастаан дьикти баҕайы уот шарик хайа үрдүгэр, онтон сып сырдык вспышка, чаҕылҕан курдук гынан баран чопчу киһи уҥуоҕун эрэ үрдүнэн, туох да тыас уус диэн суоҕа. Хайа үрдэ биирдэ сандаарыс гына түстэ. Дьэ мин эрдиини хаба тардан баран биэрэк диэки эрдии. Иккиэн уолуйан хааллыбыт, балаҕаммытыгар буут быстарынан, ыстаан хайдарынан, хайдах киирэн Убайбытыгар кэпсии турарбытын бэйэбит да билбэтибит. Онтон киһибит тахсан көрө сатаата да "тугу да көрбөтүм" диэн киирбитэ, "Утуйун" - диэбитэ. Туох уута кэлиэй!!! Кэлин ыйыппыппытын: "Дьэт!!! Улаханнык айдаарыман" - диэн сибигинэйэн эппиттэрэ. Биhи өйдөөбөтөхпут, сиэри туому тутуhа сылдьар этибит. оннук умнуллан хаалан хаалбыта, этэҥҥэ сайылаабыппыт. Кэнники санаатахха дууhалар дуу, НЛО эбитэ дуу... (100% фонарь да фара да буотлбатах этэ, "шаровая молния" буолуоҕун халлаан син үчүгэй этэ, кыра былыттар эрэ бааллара.
Http://vk.com сайттан. Руслан Мекюрдянов суруйуута.