Дьон кэпсээниттэн... Ханнык эрэ суруйааччы кэпсээнигэр баара, онно киһи уҥуоҕар тиийэн быһах анньыбыттарын туһунан. Ону санааннар биэс уол үтүктэргэ санаммыттар...
Биир уоллара тыл бырахпытыгар мөкүһэн баран: "Боруобалыахха, туох буолуой" - дэспиттэр. Түүн уон икки кэннэ барарга быһаарыммыттар. Күһүҥҥү ыйдаҥалаах киэһээ биэс уол кэчигирэспитинэн саҥата суох куттана - куттана баран испиттэр. Тиийиэхтээх сирдэригэр тиийэн баран тыл көтөхпүт киһилэрэ куттанан уолаттарын ааттаһа - көрдөһө сатаабыт, аньыыта бэрт, тоннүөххэйин - диэн. Уолаттара төһө да куттанналлар күлүү гыммыттар уонна биир биир киһи уҥуоҕун буорун хаба ортотугар быһахтарын анньыталаан кэбиспиттэр. Били уоллара хайыаҕай табаарыстарыттан хаалсымаары саха быһаҕын кыыныттан хостоон түргэн соҕустук анньаат да төттөрү хайыһан баран дьиэтин диэки хаама турбут. Ол оннук ааспыт. үөрэх саҕаламмыт, оскуолаларыгар киирбиттэр. Табаарыстыылар ол дьыалаларын туһунан умнан барбыттар. Барыта кэминэн баран испит. арай биир үтүө түүн биир уоллара утуйа сытан өлөн хаалбыт. Быраастар быһаара сатаан баран хайдах өлбүтүн быһаарбатахтар. Экспертизалаабыттара өлбүт уол сүрэҕэр кыра хайдыы баар үһү, туох эрэ сытыы тэрилинэн дьөлө анньыбыт курдук. Ол онон ааспыт, улахаҥҥа уурбатахтар. Дьыл кэм баран испит. Биирдэ олор төрдүө буолан маска хатааста оонньуу сылдьыбыттар. Арай биир уоллара үөһээ тахсан иһэн халтарыйан охтон түспүт. Дьиктитэ диэн наһаа үрдүктэн түспэтэх эбит. Умса сытарын тардыалаан эргитэ туппуттара сүрэөин туһаайыытынан мутук чоройон турар эбит. Уолаттар тыллыы сүүрбүттэр. "Несчастный случай" диэн буолбут. Арай бэһис уоллара иһигэр хайдах эрэ "дыр" гыммыт. Күн аайы сайын киһи уҥуоҕун аймаабыттарын санаан тахсар буолбут. Ол гынан баран кимиэхэ да кэпсээбэккэ сылдьыбыт. Эмиэ барыта саҥардыы умнуллуохча буолан истэҕинэ биир уоллара соһумардык олохтон туораан хаалбыт. Иккиэ эрэ хаалбыттар. Бэһис уоллара табаарыһын ыҥыран кэпсэппиттэр. Ол түбэлтэлэрин ырытыспыттара оруобуна били уочаратынан быһах анньыбыттарын курдук өлөн иһэллэр эбит. Олор күннэрин дьылларын кэтэһэр манаһар буолбуттар. Дьиэлэриттэн тахсыбат да буолбуттар. Кэлин тулуйбакка баран быһахпытын хостуохха диэн быһаарсыбыттар. Кимиэхэ да биллэрбэккэ ойуурунан саһан киһи уҥуоҕар тиийэн кэлбиттэр. Көрбүттэрэ биэс быһахтан икки эрэ хаалбыт эбит. Тардыалыы сатаабыттар, саас буолан, тоҥ буортан хостооботохтор. Уот отторго санаммыттар. Испиискэлэрин умата сатыылларын ким эрэ үрэн умулларан иһэр үһү. Куттал.бөҕө. Ол сылдьан төрдүс уол ылбыт да быһаҕын тэппиэт. Уга тостон хаалбыт. Ону хостуу сылдьан ол хаалбыт тимиригэр сыыһа туттан охтон түһэн өлөн хаалбыт. Дьэ ыксал буолбут. Соҕотох уол куттанан ытыы ытыы, хаһыытыы хаһыыты турбут. Төһө өр турбута биллибэт. Арай кэнниттэн куһаҕан баҕайы сыт кэлбит. Эргиллибитэ кырдьаҕас оҕонньор турар эбит. Уонна саҥаран мөҕөн - этэн киирэн барбыт: "Дьэ баччы эдэр уолаттар куһаҕаннык быһыыланныгыт, интигит барыта иэстэбиллээх буолар". Уол: "Мин анньыахпын баҕарбатаҕым, мэник санаабытыгар моккүһэн баран хайаабыппыт. Баһаалыста бырастыы гын, аны хаһан да инник гыныам суоҕа" - эҥин диэн араастаан көрдөһө сатаабыт. Оҕонньор: "Хайдах буолбутун барытын билэбин, эйиигин уолаттарын күлүү гынан күүстэринэн астарбыттарын. Онон бырастыы гынабын" - диэн баран быһаҕын хостоон биэрбит уонна: "Туох барыта иэстэбиллээх, онон тыыннаах хаалыан ол гынан баран син биир эн олоххор дьоло суох буолуон" - диэнтоһоҕолоон эппит. Уол дьиэтигэр тиийэн хайдах туох буолбутун барытын кэпсээн биэрбит. Тыыннаах хаалбыт киһи баччааҥҥа диэри суос соҕотох олорор сурахтаах. Дьол диэни билбэтэх.
Http://vk.com сайттан. Сарыал Колодезников суруйуута.