Бу түбэлтэ биэс-алта сыллааҕыта буолбута... Арaй биирдэ тастыҥ бaлтыбaр хоно бaрдым, мaмaтa куорaккa бaрбыт этэ, дьиэтигэр кини, аҕата уонна кыра быраата баар этилэр. Ол саҕана мас уопсай дьиэ5э олороллоро. Арай киэһэ аһаан эҥин бүтэн балтыбын кытта хоспутугар утуйаары ону маны кэпсэтэ сыттыбыт...

Ол сыттахпытына арай  быраата сүүрэн киирдэ уонна ааны саба баттаан баран сүр улаханнык марылаччы ытаата.. Биһиги "туох буоллун" диэбиппитигэр нэһиилэ тыын ыла - ыла: "Абааһы баар! Киирэ сатыыр!" - диир... Онтон: "Кэл манна биһиэхэ, утуйуохха" диэбиппитигэр "Суох! Аан арыллыа ди,киириэ ди" - диир.. Биһиги бэйэбит куттанныбыт аҕай,ол быыһыгар балтым аҕатын эҥин мөҕөн ылабыт:  "Оҕо ытыырын истэн кэлэ да сылдьыбат" эҥин диэн. Онтон чэ бырааппыт син уоскуйан балтыбын кытта баран сытта. Арай ол сыттахпытына ааммыт арыллан кэлбэтэ да! Бырааппыт эмискэччи кэннин хайыһан көрдө уонна: "Киирдэ ди!" - диэн баран эмиэ ытаан тоҕо барда. Биһиги  куттаныы бөҕөтө, "Ханна баарый?" диирбитигэр "Ол турар ди" диэн баран истиэнэ диэки ыйар.. Саатар биһиэхэ туох да иһиллибэт да көстүбэт да... Ол киэһэ хайдах утуйбуппутун  өйдөөбөппн, сарсыныгар тураат да тутатына дьиэбэр куоппутум.

Http://vk.com сайттан. Оксана Петрова суруйуута

Суорҕаны былдьаспыт

Хаһан эрэ кыра сылдьан биир кыыс били оҕо оронугар утуйар эбит. Ол эбээлээҕин дьиэтэ үһү. Арай түүн утуйа сыттаҕына кыра оҕо кэлэн "Миэнэ" дии-дии суорҕанын тардыалаһар үһү. Ону кыыс оҕото иннин биэрбэт, онтон ону эбээтигэр кэпсээбит, эбээтэ туох да диэбэтэх. Биир түүн ол кыра оҕо кэлэн эмиэ тардыалаһа турбут. Кыыс эбээтин уһугуннаран: "Суорҕаммын тардыалыыр дии" -  диэн үҥсүбүтүгэр, эбээбит: "Оҕону сордоомо, бар!' - диэбит. Ол кэннэ кэлбэт буолбут. Урут ол кыыс төрүөн иннинэ ол ыалга  оҕолоро өлбүт эбит. Ол ороҥҥо утуйа сылдьыбыт буолан былдьаһар эбит.

Http://vk.com сайттан. Юля Ванева суруйуута