Үйэ аҥарын кэриҥэ буолта буоло ол түбэлтэ буолбута, биир саастаах соҕус эр киһи хойутаан ходуһатыттан төннөн испит. Суола быраҕыллыбыт сайылык нөҥүө ааһар үһү. Оруобуна борук-сорук буолуута ол сайылык таһынан ааһан испит, арай өйдөөн көрбүтэ... 

дьиэ түннүктэрэ уоттаахтар, үөлэстэриттэн буруо тахсарга дылы эбит (арааһа күһүөрү быһыылаах). Дэлби дьиктиргээбит, быраҕыллыбыт сайылык боларын бары билэллэр эбит, ол да буоллар сылайбыта, аччыктаабыта бэрт болан киирээччи буолбут. Чугаһаабыта иһирдьэ дьахталлар айманар саҥалара иһиллэргэ дылы болбут, биһи киһибит санаата букатын көтөҕүллүбүт, ааны арыйа баттаабыта - уу чуумпу, ыас-хараҥа... Ким да суох, тыбыс-тымныы эбит... Арай дьахтар айдаана түгэх хос диэки көһөн биэрбит, "таһыттан бука сыыһа көрдөҕүм"  дии санаан аны түгэх хос аанын арыйа баттаабыт - эмиэ хабыс-харадҥа, уу-чуумпу, арай хос тугэҕэр ардьайа сытар умуһах түгэҕиттэн амыырыын баҕайы сытыйбыт сыт кэлбит, уонна аймалҕан иһиллэр эбит... Арааһа сибиэннээх сиргэ түбэстим - диэн киһибит икки атаҕынан күрэммит. 

Http://vk.com сайттан. Владислав Собакин суруйуута