Бу кэпсээни ыраатта биир аҕа саастаах билэр киhим кэпсээн турардаах. Чэ маннык. Былыр Сутурук Мэхээлэ диэн бэрт күүстээх-уохтаах киhи үөскээн ааспыт. Бу киhи сүрдээх куhаҕан сутуругар сокуоннаах, охсуhуугунан аатырар майгылаах эбит. Ол курдук чугас эргиннээҕи эр дьон киниттэн саллар-куттанар эбиттэр. Биирдэ лаппа күhүөрү Мэхээлэ биэтин көрдүү сылдьан ыраах алааска тардыллан хаалан былыргы өтөххө хонорго күhэллибит. 

Киэhээҥҥи аhылыгын аhаан, кыра ас тобоҕуттан уотун аhаппыта буолан баран утуйардыы сыппыт. Арай түүн үөhэ туох эрэ улахан баҕайы тыастан уhукта биэрбит. Дьиктиргээн туран уотугар мас быраҕан өтөх иhин чинчилээн көрбүт да туох даҕаны көстүбэтэх...Табахтаан баран төттөрү сытан нухарыйан истэҕинэ арай оhох чанчыгын кэнниттэн киhи курдук хара күлүк саба барыйан кэлэн үрдүгэр түhэн хабарҕалаабытынан барбыт! Онуоха Мэхээлэ бастаан утаа соhуйбута ааhа охсон баҕайыны икки атаҕынан олуйан оронтон буор муостаҕа төкүнүйэн түhэллэр. Мэхээлэ били баҕайы үрдугэр баар буолбут да сирэйэ манан буолуо дии санаат "Мэ!""Мэ!" диэн хаhыытыы-хаhыытыы маҕыйа-маҕыйа сырбаталаабыт! Онуоха били күтүрэ "Абам эбит! Аатырыаххын аатырар эбиккин!" - диэн кыланаат сүтэн хаалбыт. Мэхээлэ өйдөнөн кэлбитэ буор муостаҕа соҕотоҕун тобуктаан олорор эбит. Туох буолбутун өйдөөн киhи эрэ буоллар этэ саласпыт, тымныы ыаҕастаах уунан ыстарбыт курдук буолбут. Сып-сап, сиирэ-халты хомунаат таhырдьаны былдьаспыт. Ити быhылаан кэнниттэн Мэхээлэ дьоно-сэргэтэ, аймахтара өлөн-сүтэн, эстэн барбыттар... Кэлин оҕонньор куруутун ытамньыйар үhү: " Бэйэбин сиэбэтэх кыhыытыттан аймахтарбын кыдыйдаҕа" - диэн курутуйар үhү.

Http://vk.com сайттан. Владислав Березкин суруйуута.