Биир табаарыһым кэпсээбитин суруйуом. Биир үтүө күн иккиэ буолан балыктыы барбыттар. Күнү быһа балыктаан баран борук-сорук буолуута чэй өрүнэргэ санаммыттар. Биирэ кутаа уматааччы буолбут, биирэ мас аҕала барааччы буолбут.

Арай кутаа умата сатыы сырыттаҕына куһаҕан баҕайы сыт кэлбит. Уонна хараҕын кырыытынан көрдөҕүнэ киһи кэлэн турар эбит. Ону кини били мас аҕалааччы турар ди санаан: "Хайа, мас аҕалбатын да?" - диэн ыйыппыт. Онуоха анарааҥҥыта саҥата суох турар эбит. Онтон өйдөөн көрбүтэ олох атын уол турар эбит. Тоҥмут аҕай, таҥаһа барыта ибис-инчэҕэй эбит. Ону көрөн: "Хантан иһэҕин, уот аттыгар чугаһаа, таҥаскын эҥин куурт ээ" - диэбит. Ол бириэмэҕэ ойуур иһиттэн мас аҕала барбыт уола тахсан кэлбит. Уонна ыйыппыт: "Бу киһи хайдах буоллун? Бэйэн бэйэҕин кытта кэпсэтэр буоллун ду?". Онуоха биирэ: "Эс, бу уолу кытта кэпсэтэбин ээ" -  диэн баран били уолун диэки хайыспыта киһитэ суох эбит. Куттаныы бөҕө куттанан тутатына хомунан дьиэлээбиттэр. Онтукалара үс сыллааҕыта ити сиргэ биир кэлии учуутал уол ууга түһэн өлбүт эбит. Ол уол сэмнэҕин кэлин булбуттар үһү.

Http://vk.com сайттан. Альберт Николаев суруйуута.