Бу быһылааҥҥа ийэм түбэспитэ. Кини эдэр сылдьан нууччалыы иитиилээх сиэри-туому билбэт куорат кыыһа, ол сылдьан тубэспит.

Билигин билэр. Аҕабын кытта эргэ оһоҕу көтүрэ сылдьан, оһох иһигэр киирэн холумтаныгар үктэнэн туран кирпииччэ биэрээччи болбут, аҕам ону түннүгүнэн таһырдьа быраҕааччы. оһохторун биллэн турар аһаппатахтар, аҕам абааһыны эҥин соччо итэҕэйбэт, бэйэтэ да син ону маны истибит да улаханнык кыһаммат. Ол курдук ийэм киэһэ оһох көтүрэн бүтэн баран, этэ кыһыйбыт, барыта оройуттан атаҕын тилэҕэр диэри уулаах баас буолбут, ол оһоҕун аһаппатаҕын иһин үһү. Балыаһаҕа көрдөрө баран иһэн эмискэ баҕайы: "Алаадьы астаан уот оттор эбиппин, онно аладьынан айах тутар эбиппин" - диэн өй киирэр, хантан ылан инник толкуйдаабытын бэйэтэ да билбэт, иннэ гынан суолун аҥаарыттан төннүбүт, балыаһатыгар тиийбэтэх. Төннөн кэлэн алаадьы астаан оһоҕор биэрбит, онтон эмискэ баҕайы уута кэлбит, баастара ынырыгын кыһыйаллар уонна тэстэллэр үһү. Кыһалҕатыгар этэ барыта. Утуйан хаалбыт... Турбута этэ ып-ыраас төрүт тох да суох үһү... Соһуйбуттар ахан, быраас да наадата суох буолбут. Ону кырдьаҕас эбэм уот иччитэ кыыһыран, ити ийэҕэр бытархай уулаах уот бааһа тахсыбыт диэбитэ.

http://vk.com сайттан. Евгений Панахомов суруйуута.