Чопчу ханнык улууска буолбутун билбэппин эрээри маннык буолбуттаах үһү... Кыһын, үс эр бултуу барбыттар. Тиийээт байанай бэлэҕин туппуттар, уонна ол киэһээ ону бэлиэтээһин буолбут.
Арыый олоро түспүттэрин кэннэ икки эр этиһиитэ тахсыбыт. Онуоха икки биири куолаабыттар да таһырдьа таһааран сүүскэ ТОЗовканнан түһэрбиттэр. Оруобуна хааһын икки ардыгар, хаана эҥин тахсыбаттык түһэрбиттэр. Уонна ситэри иһэ киирбиттэр үүчээҥҥэ. Ол олордохторуна чаас ааһан баран ытыллыбыт киһилэрэ киирэн кэлбит: "Ыччу-у! Таһырдьа охтон хаалбыппын! Кутун эрэ тоҥнум!" - диэбитинэн. Сүүһүгэр хайаҕаһа баар үһү. Онуоха буруйдаахтар өйдөнөн хаалбыттар, уонна киһилэрин ириэрээччи буолбуттар. Сарсыарданан турбуттара киһилэрэ суох. Тахсыбыттара таһырдьа сытар үһү, аан диэки хайыһан баран...
Ян Гуляев vkontakte.ru сайтан 10 кулун тутар 2010 22:08