Мин бииргэ үөрэммит кыыһым кэпсээбитэ. Бастаан подругам кыра сырыттаҕына эргэ баҕайы дьиэҕэ олорбуттара, дэриэбинэ ортотугар. Онтон эмискэ баҕайы көһөн хаалбыттара, ыраах дэриэбинэ адьас кытыытыгар, оскуолаттан эҥин ыраах баҕайы. Ону бу студенныы сылдьан "Тоҕо итиччэ ыраах көспүккүтүй?" диэн ыйыппыппар маннык диэн кэпсээбитэ.
Аҕалара биирдэ хас да түүнү быһа түһээн сырдык баттахтаах чөчүөккэни кытта охсуһар эбит, баттахтыыр эҥин үһү. Хаста да түһээбит оннук. Ону баттатабын, таах түүл эрэ диэн аахайбат үһү. Ол сылдьан биир түүн эмиэ түһээн охсуспут, ол кэннэ сарсыарда туран көрбүтэ илиитигэр сып сырдык баттах бөҕө баар үһү. Онтон сылтаан көспүттэр эбит.
Марианна Громова Vkontakte.ru сайттан 4 кулун тутар 2010 17:26