Мин табаарыһым аҕата биирдэ кыһын киэһээ борук-соруукка сыарҕалаах буранынан бултуу баран испит.

Арай биир иччитэх хайа аннынан айаннан испит, ол баран истэҕинэ эмискэ баҕайы бурана нэһиилэ айанныыр буолан хаалбыт, сыарҕата ыйааһыннанан хаалбыт. Ону тохтообокко эрэ айаннаан иһэн "Туох үлүгэрэ буолла" диэн кэннин диэки сыарҕатын эргиллэн көрбүтэ кыһыҥҥы таҥастаах саха кыыһа олорор үһү. Ону булчут этэ тардан буранын тохтоппокко эрэ айаннаан испит онтон 500 - 1000 миэтирэ кэннитэн сыарҕа чэпчии түспүт, эргиллэн көрбүтэ ким да суох буолбут. Ону этэллэринэн ол айаннаан испит сиригэр хайаҕа былыр кыыс ыйанан өлбүт сирэ эбит

Юрий Расторгуев  vkontakte.ru сайттан 3 кулун тутар 2010 1:57