Арай биирдэ оҕолор тыаҕа сир астыы сырыттахтарына, ким эрэ улахан баҕайытык күлэрин истибиттэр эрээри бастаан утаа наадыйбатахтар, салгыы үргүү сылдьыбыттар.
Ол сырыттахтарына тииттэр мутуктара тостор тыастара иһиллэн киирэн барбыт, дьэ онтон көрбүттэрэ улахыын баҕайы кыдьаҕас тиит кэнниттэн уп-уһун тыҥырахтаах, кыһыл уотунан көрбүт хара бэкир киһи оҕолору аччыктаабычча көрөн мичилийэ аҕай турар эбит. Оҕолор хаһытыы - хаһытыы дьиэлэрин диэки сырсыбыттар, арай сүүрэн иһэн көрдөхтөрүнэ, киһилэрэ күлэ - күлэ кэннилэриттэн сырсан аҕай иһэр эбит. Хата оҕолор тыаттан чугас олорор буоланнар, күрүө аанын сабан баран дьиэлэригэр киирэн ааннарын хатанан, саһан хаалбыттар. Балай да саһан баран, түннүгүнэн өҥөйөн көрбүттэрэ ол киһилэрэ күрүө таһыгар баар улахан тиит муннугар олорор үһү, кинилэри кэтэьэ, өссө тарбаҕынан ыҥырар үһү. Балай да уһуннук күрүөнү тула эргийэ сыдьан ыҥыра сатаан баран сүтэн хаалбыт. Оҕолор куттанан дьонноругар эппэтэхтэр. (Мин санаабар ол дьиэ иччитэ күрүөҕэ киллэрбэтэҕэ буолуо. Бу маны кыра сыдьан хаһыакка аахпытым)
Nastasiya Ильина 1 олу 2010 1:31 Vkontakte.ru сайттан.