1990 сыллаахха буолбут түбэлтэ. Кыһын мин таайым доҕорун кытары мас кэрдэ тыаҕа сылдьыбыттар. Онно биир маһы сулларбыттарыгар өрбөх таҥас сыыһа бөҕөтө маҥан хаар үрдүгэр ыһылла түспүт.
"Бу таҥас хантан кэллэ" диэннэр охторбут мастарын чугаһаан көрбүттэр. Мастарын иһэ "гып-гладкай" сымыыт курдук көндөйдөөх эбит. Ол күн киэһээ хонуктарын аһын астананнар аһаан утуйаллар. Ол утуйа сыттахтарына таайым суорҕанын атаҕын диэккиттэн кыра оҕо ытыы ытыы тардыалаабыт. Таайым оронугар олоро биэрбит да "хантан кэлбит оҕотой? Киэр бар мантан!" диэт сутуругун көхсүтүнэн түннэри саайан түһэрбит. Оҕо тиэрэ таһылла түспүт, уонна ытыы - ытыы оһох кэннигэр 4 атахтаан куоппут. Онтон сотору буолаат сүүрэн тахсыбыт да анаараа сытар киһиэхэ сүүрбүт, уонна кыратык атаҕын аҥара көстө сытарын ытыран саайбыт, уонна төттөрү куоппут. Сарсыныгар сырдыкка көрбүттэрэ тииһин суола хаалбыт. Ити кэнники өйдөөбүттэрэ чөчүөккэ уйатын алдьаппытаарын иһин кэлэ сыльдыбыт. Онтон били атаҕын ытыттарбыт киһи ол сыл саас атаҕын тоһутан аҥар атаҕа суох буолбут эбит, ону наар саныыр этим кыра сылдьан, "кини тоҕо атаҕа суо5уй" диэн.
Мария Еремеева 26 тохс 2010 14:19 vkontakte.ru сайттан