Биһиги дэриэбинэбит чугаһыгар биир кыра дэриэбинэ баар. Онно тиийэргэр ырааһыйаны туоруугун. Син балай да хаамаллар быһылаах. Оо, ол ырааһыйа туһунан арааһы кэпсээччилэр. Чахчы,иччилээх сир дииллэр үһү, кырдьаҕастар. Биирдэ биир киһи арай онон туораан истэҕинэ, иннигэр атын киһи баран иһэр үһү.

Инники киһи итирик үһү. Арай кэнниттэн иһэр киһи көрдөҕүнэ, ол итирик киһини биир оҕо кэлэн сиэтэн кээспит. Этэ тымныйа түспүт. Чэ, ол курдук ол сурах тарҕаммыт аҕай. ОНТОН АРАЙ, ол оҕону кытта бэйэҕит көрсүһүн...

Биир чүөчэ илэ бэйэтинэн көрсүбүт этэ. Чэ кэпсиим, биир учуутал чүөчэ ол чугастыы сытар дэриэбинэҕэ балта олорор. Биллэн турар, ол оҕо эҥин туһунан истибит, ол эрэн киһи итэҕэйбэт, мин эрэ көрсүөм дии санаабатах. Дьэ, балтытыгар бараары сайын киэһээ хоннубут, салгын эҥин сии таарыйа сатыылаабыт. Арай били ырааһыйаны туораан истэҕинэ, биир кып-кыра былыргы таҥастаах оҕо кэнниттэн кэлэн сиэтэн кээспит. Чүөчэ сүрэҕэ тохтуу сыспыт, хаһыытыы түһээт куотуон оҕотун көрбүтэ, наһаа үчүгэй сирэйдээх, үөрбүт-көппүт аҕай уол оҕо үһү. Өссө ыйтар үһү: "Эн ханна баран иһэҕиний? Мин эйиигин кытта барсабын дуо?" - диэбит. Ону: "Ээ суох, мин ыраах-ыраах барабын, сылайыан, хаал" диэбит. Ону оҕото: "Мин ийэбэр бардым" диэн баран сүүрэн хаалбыт. Дьэ, чүөчэ туохха түбэспитин билбит, кэннин хайыһан көрбүтэ оҕото суола да суох үһү.

Ол оҕону былыыр-былыр ийэтэ онно хаалларан кээспит үһү, диэн кэпсииллэр. Аччыктаан өлөөхтөөтөҕө ди.

Туяра Черкашина 24 тохс 2010 12:53 Vkontakte.ru сайттан.