Саша диэн тастыҥ эдьиийим биир сайын дьүөгэтин кытта сөтүөлээн кэлэн иһэн, урукку шестилетка дьиэтин (оскуола) аттынан ааһан испиттэр. Арай шестилетка аанын ким эрэ ис өттүттэн тэппит, кыргыттар тохтуу түспүттэр.
Күнүс, онон ааһан истэхтэринэ учууталлара оҕотун Регинаны кытта хомуна сылдьаллара эбит. Ону эдьиийим кыра кыыс Регина хаалбыт диэн ааҥҥа чугаһаан ыҥыран көрбүт. Аан хатааһына былыргы ыйанар туорай хатааһын буолан ааны ис өттүттэн тэптэххэ кыра хайаҕастаах эбит. Онтон эмиэ тэппит, уонна илии көстүбүт, онтон аргыый төбө арбайбыт баттаҕа көстүбүт, ону кыргыттар оҕо буолбатах эбит диэн өйдөнө түһээт дьиэлэрин диэки сүүрэ турбуттар. Ол кэннэ аныгыс сайын эһээбит суох буолбута, ыалдьан.
Анна Леонтьева, 4 тохс 2010 Vkontakte.ru сайттан